When you owe a million, the bank owns you...but

When you owe a billion you own the bank.  

Allir að taka lán upp á milljarð, bara út á hlutabréf þau eru víst veð í dag.  Ef maður getur ekki borgað þá er allt í lagi, enginn áhætta þú gafst þeim veð í hlutabréfum.

Það er svo hipp og kúl að vera bankastjóri.

Ég er samt nokkuð viss að sá sem ákvað að lána einstaklingum fyrir hlutabréfakaupum án annarrar veðsetningar en hlutabréfanna sjálfra var ekki alveg að skilja orðið hlutabréf.  

Það var sem sagt verið að lána mönnum til þess að kaupa lán, hversu absúrt er það.

Það er svo hipp og kúl að vera bankastjóri

En bíddu nú við get ég þá stofnað einkahlutafélag, sem kaupir húsið mitt af mér og fær lán til að kaupa lánið af mér.  Þannig að ég á allt í einu húsnæðið mitt + verðmæti lána minna í peningum? 

Það er svo hipp og kúl að....bíddu er þetta virkilega hægt???????????

The new job market

Bara smá shout - out til allra þeirra sem eru í viðskiptatengdu námi núna.  

Skoðið þetta

Ég held ég hafi ekki hlegið svona mikið síðan ég sá southpark - wheel of fortune.  question: "People who bother you?"

N_GGERS

Hvaða staf heldur þú að vanti.

We are top of the league, say we are top of the league.

Ekki bara að minn ástkæri klúbbur sér í efsta sæti, á þó ekki von á því að hann verði þar lengi, heldur er mitt littla stórasta land í heimi í fyrsta sæti yfir svo margt að stolt mitt er að springa.

Fyrsta þróaða land síðan 1975 til að sækja um lán til IMF.

Flest gjaldþrot per capita, dýrustu gjaldþrot per capita og skuldugasta land í heimi per capita. Hvort sem um er að ræða skuldsettningu ríkissjóðs, heimili eða fyrirtæki. Ég á þó von að fyrirtæki fari út af þessum lista þar sem þau eru öll að fara á hausinn og svo taka einstaklingar við. Við verðum þá í þeirri frábæru stöðu að merihluti heimila í landinu hefur gengið í gegnum gjaldþrotameðferð, sem er, já þú giskaðir rétt, algerlega einstakt í heiminum.

Við erum með fest andlegu gjaldþrot í heimi og þar af leiðandi mesta inntaka á þunglyndislyfjum hérna megin við New York. Já Ísland er svo sannarlega bestasta land í heimi á öllum sviðum

Sem betur fer þá er ópíumið mitt í topp baráttunni á þessum heimsmetatímum.
Ekki vildi ég halda upp á Spursarana eða Luton. Nei þá væri ég fyrst orðinn andlega gjaldþrota

12,5 billion isk is just the intrest

Bara að minna á að afborgunin er um 55 milljarðar en ekki 12,5 milljarðar það þarf jú að greiða lánið niður fyrir árið 2015. Til að setja þetta í samhengi þá kostar skólakerfi landsins svipaðan pening. Miðað við þann samdrátt sem fyrirhugað er að verði í landinu þá þarf að skera niður útgjöld ríkisins um 150 milljarða til að hægt sé að greiða þetta. En það þýðir 30% niðurskurð í heilbrigðis og félagsmálum og svo svipað aðhald annarstaðar.  

IMF ef er stórkostleg björgun, það er svo gaman þegar Samfylkingin hefur rangt fyrir sér að það er næstum því jafn kómískt og þegar Sjálfstæðisflokkurinn hefur rangt fyrir sér. Hætta þessu bulli, þetta er hvort eð er búið. Byrja upp á nýtt og reka þessa vitleysinga með tölu. Kæra þá síðan fyrir brot á 91 gr almennra hegningarlaga.  

Það hlýtur hverjum manni sem hefur vott af skynsemi að vera augljóst að yfirmenn í þessu landi, alþingi, seðlabanki, fme og stjórnir og stjórar allra banka, jafnvel tryggingarfélaga sem og fl-group og eimskip eru sekir um brot á þessum lögum. En einnig allir þeir sem hafa náð ráðandi hlut í viðkomandi fyrirtækjum. Ekki bara núna heldur 3 ár aftur í tímann. Þeir sem fengu þagnargreiðslur, haltu kj kaup auka o.sv.frv. 3-16 ára fangelsisvist fyrir alla þessa aðila, engar fébætur teknar gildi. Það er nú ekki svo mikið vandamál að fylla í um 400 stöður í 300.000 manna samfélagi sem er með jafn marga háskólamenntaða einstaklinga og raun ber vitni.

Eða heldur fólk að það sé ómissandi. Já heimurinn ferst örugglega ef Geir eða Ingibjörg eru ekki við völdin. Það mun ekkert gerast á þeirra vakt sem kemur okkur í vandræði.

Ef þið náðuð ekki kaldhæðninni þá þurfið þið að fletta í orðabók, því henni var ekki þunnt smurt hér í siðustu tveimur setningum að ofan.

And here we go again 18% intrest rate, where is the mafia when you need a proper loan

18% vextir.  

18% vextir.

18% vextir.

Afsakið orðbragðið.  En helvítis djöfullsins andskotans.  Þetta pakk, þessir gráloðnu grútskítugu grindhorðuð nei spikfeitu ráðamenn landsins verða að fara gera sér grein fyrir því að bráðum þurfa þeir allir að fá sér lífverði.  Það á einhver eftir að bilast.

Er það bara ég eða þarf að umbylta íslandi í dag.  Taka aðeins til.  En það var ekki gert með því að leita á náðar IMF, eða að hefja aðild að ESB.  Ef fólk áttaði sig ekki á því hvað þetta getur skaðað okkur mikið, þá hlýtur núna að opnast fyrir smá týru í annars frekar þykkum hausum.

Samfylkingin kann sko að leysa vandann 18% vextir og eina ástæða vaxtaaukningar krafa IMF.

There is nothing we did! Right

       Tuttugu atriði sem hið opinbera, stofnanir á vegum þess eða Seðlabankinn gerði rangt síðan árið 2001 bara í sambandi við bankana.  Hvað hafa þeir tekið margar rangar ákvarðanir varðandi aðra hluti.  Segið svo að þetta sé jakkafatastrákunum að kenna.  Gefðu mér bráku.

   1. Lækkun bindiskyldu bankanna árið 2003 um 50% á sama tíma og útlánageta var aukin um 100% vegna veðlána

      2. Að auka útlánagetuna bankanna um rúm 40% árið 2007 á sama tímapunkti og við voru að glíma við verðbólgu

      3. Að setja krónuna á flot árið 2001 á sama tíma og mikið ójafnvægi var í hagkerfinu

      4. Að hækka raunstýrivexti upp úr öllu valdi til að draga úr verðbólgu sem þeir höfðu skapað

      5. Að vera með verðbóglumarkmið sem voru ósveigjanleg

      6. Að nota vísitölu neysluverðs með húsnæðisþætti, þegar allar þjóðir i kringum okkur nota vísitölu án húsnæðis, "eins gott að þeir breyti því ekki núna".

      7. Að láta hjá líða að byggja upp gjaldeyrisforða meðan jöklabréfin hrönnuðust upp og fyrirsjáanlegt var að mikið magn gjaldeyris myndi hverfa aftur frá landinu

      8. Að skirrast við að nýta heimildir laga nr. 60/2008 sem Alþingi afgreiddi á leifturhraða í lok maí sl. til að taka allt að 500 milljarða lán til styrkingar gjaldeyrisforðanum

       9. Tímasetning og form Glitnisyfirtökunnar sem eyðilagði lánshæfismat ríkisins og varð til þess að erlendir bankar drógu til baka fyrri loforð um gjaldeyrislínu, á ögurstundu

      10. kert samband við norræna seðlabanka varðandi það að draga á lánalínur

      11. Síendurtekin mistök í samskiptum við markaði og fjölmiðla, m.a. að vera með vefsíðu sem klikkar þegar mest liggur við

      12. Að gefa út fast gengi krónu með óljósum hætti svo enginn vissi hvort átt væri við evru eða gengisvísitölu

      13. Aðgefa út fast gengi krónu án þess að geta staðið við það með nægilegu gjaldeyrismagni, og draga það svo til baka eftir að hafa valdið óþarfa ruglingi og óvissu

      14. Verulegar stíflur og markaðsbrestir á skuldabréfamarkaði vegna ófullnægjandi framboðs á innistæðubréfum eða öðrum ríkistryggðum aðferðum til að binda fé

      15. Ófullnægjandi rökstuðningur í beiðni til Seðlabanka Bandaríkjanna um skiptasamning

      16. Tilkynning um lánssamning við Rússa sem reyndist röng og þurfti að afturkalla, einmitt þegar trúverðugleiki skiptir öllu máli

      17. Að sjá ekki til þess að Tryggingasjóður innstæðueigenda yrði efldur í samræmi við gríðarlegan innlánavöxt

      18. Að herða ekki bindiskyldu eða grípa til annarra tiltækra ráða, ef áhyggjur voru af hröðum vexti viðskiptabankanna

      19. Að einblína allt of lengi á öfgakennda hreintrúarstefnu um hávexti í stað þess að hugsa um fjármálastöðugleika, annað aðalmarkmið Seðlabanka

      20. Að láta hjá líða að gera viðbragðsáætlun um hvað gera skyldi ef banki lenti í lausafjárkreppu, þannig að allir vinklar hefðu verið metnir fyrirfram og bestu leiðir lægju fyrir

Gluttony is not a secret vice

To have a blank page in-front of you, not influenced by the ideas of others.  To write a single unique thought, that should be the ultimate aim of one self.

"The highest goal in all of education is knowledge of the Good; that is, not merely an awareness of particular benefits and pleasures, but acquaintance with the Form itself. Just as the sun provides illumination by means of which we are able to perceive everything in the visual world, he argued, so the Form of the Good provides the ultimate standard by means of which we can apprehend the reality of everything that has value. "

"Men are moved to action not by things as they are, but by their own opinions and convictions. "

"Reason is not a tool for attaining goals independently thought worthwhile: possessions, honour, personal and political success; rather, rationality itself, expressed in the giving of reasons and the avoidance of contradictions, confers value to goals and opinions. The ultimate educational objective, then, is to bring about a revolution in the educand's perception of the role of reason, namely the recognition of its normative, and not merely theoretical or instrumental, nature."

"Everyone desires his own happiness-and-success. But, since the real object of our desire is practically always given to us only confusedly, we may be mistaken as to the nature of such success, and thus even as to the real significance of our own desires. It is not our own evaluation of ourselves as happy or miserable that determines our happiness or misery. "

"Success is measured not by his personal fate but by whether he lived a reasoned life, free of contradictions."

In so many words. 

Now I´m off to study,  not to study so to get a job, a title, a raise or a perceived statue in life. No.  Now I want to know the past, phrases and wisdom of others so I can roast someone in a more intellectual way.  

"In Italy for thirty years under the Borgias they had warfare, terror, murder and bloodshed but they produced Michelangelo, Leonardo da Vinci and the Renaissance. In Switzerland, they had brotherly love; they had five hundred years of democracy and peace and what did that produce? The cuckoo clock."

Hvað á ég að kjósa???

Ef við einföldum skilgreiningar á íslenskum flokkum svolítið......

Sósíalisti ber hagsmuni almennings fyrir brjósti. = Vinstir flokkar (VG, Íslandhreyfingin)

Frjálslindur ber sinn hag fyrir brjósti. Hægri Fokkar (sjálfstæðismenn, frjálslindi flokkurinn)

Frjálslindur sósíalisti er maður sem þykist hafa hagsmuni almennings fyrir brjósti en bætir hag almenings aðeins með því að græða sjálfur. = Miðjan (samfylkingin og framsókn)

Mikil einföldun en í raun nákvæmlega hvernig flokkarnir okkar hugsa. Þ,e

Sjálfstæðisflokkurinn = einstaklingsfrelsið, það er mikið og nauðsynlegt frelsi fólgið í því að fá að velja hversu mikið og hjá hverjum maður skuldar.

Frjálslindi flokkurinn = virðist bara berjast fyrir því að allir fái að fiska og að hömlur verði settar á innfluttning vinnuafls

Framsókn = Skítt með aðra svo lengi sem ég fæ Símann, Frumherja, TM, Sjóvá, Vís, Búnaðarbankann og já breytum orkufyrirtæki í netþjónustu o.sv.frv.

Samfylkingin = Hvað segja skoðanakannanir? Við erum alveg sammála því. Jón já þú færð Stjörnubíósreitinn, byggja hraðbraut í miðri Reykjavík? því ekki? það vilja allir komast í vinnu á 90 km hraða já breyta orkufyrirtæki í netþjónustu frábær hugmynd. Það nota svo margir netið í dag.

VG = Er það furða að þessi flokkur virðist alltaf vera á móti öllu þegar við höfum stjórnmálaflokka eins og framsókn, sjálfstæðismenn og samfylkinguna við völd?

Íslandhreyfingin = barðist fyrir betra lofti hvað er göfugri hugmynd en það á íslandi?

Hvað á maður svo að kjósa?  

Stefnir allt í betra loft?  Ég get ekki annað en beðið um betra loft og hreint vatn á þessum síðustu og verstu.  Skítt með mat og afborganir.

Vantar peninga?

Ég segi lokum utanríkisþjónustunni eins og hún leggur sig, fáum inni hjá hinum norðurlandaþjóðunum með slíkt. 11.5 milljarðar

Lokum fjármálaráðuneytinu, það er flatur skattur á alla það þarf ekki að eyða 53 milljörðum til að ná inn 400 milljörðum.   Segjum að við höldum bara eftir skattmann þá eru 48 milljarðar sem sparast þar.

Umhverfis-iðanaðar og forsætisráðuneyti sett í eitt ráðuneyti og sparað 9 milljarða.  Skera niður um 2/3

Hættum að halda uppi ríkisstyrktri guðsþjónustu 6,5 milljarðar

Æðsta stjórn landsins fer á venjuleg laun það sparast 3 milljarðar þar

Skera niður í sjávarútveg-landbúnaðarráðuneyti um helming 9 milljarðar meðal annar með því að leggja niður ýmsar stofnanir og færa verksvið þeirra m.a. til landhelgisgæslunnar.

Burt með eftirlaunafrumvarpið og þeim kostnaði sem það hefur í för með sér. áætlaður kostnaður 2-3 milljarðar á ári.

Samtals eru þetta 11.5 + 9 + 48+ 6.6 + 3+ 9 + 3 =  90 milljarðar.  

 

Þá er það Heilbrigðis- félags- tryggingarmála- og menntamálaráðuneyti.

Yfirstjórn og fjármál 20 milljarðar.  Þarf virkilega að eyða öllum þessum pening í að halda utan um pening sem fer í velferð á íslandi, má ekki einfalda þetta.

Hætta að borga fyrir aðkeypta þjónustu.  Ef menn vilja vinnu þá vinna þeir undir kjarasamningum ríkissins hjá ríkinu 60 milljarðar

Ég nenni ekki að útlista það nánar skoðið bara hvað aðkeypt þjónusta og sérfræðikostnaður m.a. vegna nudds, kírópraktora, tannlækna, skurðlækna, sjúkraþjálfara ofl er hár.

Samtals eru þetta 170 milljarðar.  

 

Áður en þú segir en hvað með öll störfin sem tapast á þessu þá segi ég á móti, hvað í ósköpunum á íslenska ríkið að vera að borga ofurlaun til að halda uppi óþarfa þjónustu eins og stór hluti utanríkismála eru, eða meirihluti kostnaðar við umhverfis- iðnaðar og forsætisráðuneyti.  Við erum með tonn af sérfræðingum í öllum ráðuneytum samt kaupum við aðkeypta sérfræðiþjónustu fyrir milljarða, bætum svo við sérfræðingum til að halda utan um sérfræðingana.   Þetta er orðinn hrærigrautur af sérfræðingum sem gerir ekki neitt.

 

Taka til og það strax og við getum greitt þetta helvítis lán á þremur árum.

Ófært

Það er ófært, allar leiðir eru lokaðar.  Ég sit uppi með hvítan bíl í hvítum snjó að bíða eftir hjálp. Nóg rafmagn en lítið af dísel, veðrið virðist vera að versna.

Ég væri til í að vera Norðmaður við þessar aðstæður.  Þeir eiga þó allavega peninga og skynsöm stjórnvöld, sem bjarga mönnum eins og mér.  

Ég ætlaði ekki langt.  Ég vildi bara hoppa framhjá 6 ára vistinni í 4 herbergja blokkaríbúð.  Ég vildi vera einn án þess að þurfa að hlusta á "what is love" öll kvöld í gegnum malbikað gólfið á fjórðu hæð.  Ég tók því aðeins meira lán, það var aðeins meiri verðbólga en ráð var fyrirgert og ég skulda allt í einu peing.  Money, money money.  15,9 orðnar að 20 milljónum.  En hvað er það milli vina þegar herstjórn landsins semur um nokkra viðbótarskuldir fyrir mig plús mannskemmandi verðbólgu.

Það er eins og ég hafi dáið, endurfæðst í bananalýðveldinu Frelsi.  Frelsi handa þeim sem eru nógu tengdir eða rétt feðraðir.  Ekkert hefur breyst nema skuldir landsmanna sem nú geta gert það sem þá langar til á lánum .  Hver er frjáls þegar hann er skuldum vafinn?  Þá byð ég heldur um miðstýrt og forsjárhyggju samfélag.  Ég vill frekar vera Norðmaður en þræll þessara fámennu valdhafa landsins sem hugsa um það eitt að halda völdum, ekki velferð eða lífsgæði bara halda völdum nógu lengi og spila sig stóra gagnvart öðrum þjóðum.  

Hvers vegna í ósköpunum?

Ég er bara ekki að átta mig á þessu. Af hverju er ekki komin pilla. Taktu eina og þú ert endurnærður í þrjú ár. Hvar eru læknavísindin þegar ég þarf að vaka lengur en til 22:00.

Nei sjálfsagt of upptekknir að spila sig stóra við skurðarborðið eða í fyrirlestri.
Við erum vísindamenn!!!
Við þurfum sko ekki vísindamenn þegar við höfum Þingmenn...Þingmenn geta frætt okkur um allt frá sköpun jarðar til eyðingu hennar.

Ef einhver vill vita hvernig heimurinn varð til þá þarf hann ekki annað en að fylgjast með Þingmönnum til að sjá það.

Heimurinn átti nefninlega að fara í lakið.

Heimurinn er slys sem gerir sér ekki grein fyrir tilgangsleysi sínu og heldur áfram í þeirri veiku von að aðrir heimar vilji vera memm.

Ég vildi óska að móðir heimsins hefði misst hann í gólfið þegar hann var lítill. Þá væri allvega þessi vitleysingur sem er við stjórnvölinn með löggilda afsökun.

Það er eitthvað svo óhuggulegt við það að menn séu bara svona.. heimskir..

Nýja Ísland

Nýja Ísand, lítur ansi mikið út eins og hið gamla Ísland.

Fólk nöldrar alveg jafn mikið yfir hlutum sem það nennir ekki að gera neitt í. Ríkisstjórnin hitt og ríkisstjórnin þetta, útrásarvíkingar stálu rollunni minni bankastjórar eiga flotta bíla.

En hvað hefur breyst? Ekkert, landið er jafn illa rekið. Réttu flokksmennirnir fá störfin, engin axlar ábyrgð á gjörðum sínum og láta svo almenning borga.

Þjóðaríþrótt íslendinga er enn kennitöluflakk. Meira að segja íslenska ríkið stundar hana.

Ég hef því ákveðið að fara að fordæmi íslensku ríkisstjórnarinnar.
Ég vill losna við mínar skuldir líka og byrja upp á nýtt. Ég ætla skipta rekstir íbúðarinnar minnar upp í innandyra-rekstur (sofa, borða þvo sér o.sv.frv) og utandyra-rekstur( horfa á sólinna, rækta plöntur ofl). Mig langar bara að nýta mér innandyra-reksturinn en ég ætla að láta bankann minn taka skellinn varðandi utandyra-reksturinn. Það hvílir miklu meira á rekstrinum utandyra þannig að þetta kemur sér vel fyrir mig. Húsnæðið sem ég á eftir uppskiptinguna er nánast skuldlaust og því nægt veðrými til að breyta, bæta og hefja nýtt líf..

Að mér skuli hafa dottið í huga að bara breyta um nafn á húsnæðinu og kalla það Nýja-húsnæðið. Vá hvað ég er nú gáfaður maður.

Ég ætla að verða stór, feitur og ríkur þegar ég verð stór og feitur.

Nú þegar ég er búinn að fá um 2.000.000 í bakreikning vegna þess að ég hef kosið rétt í 14 ár þá er ég að hugsa um að endurskoða ekki hvað ég kýs næst heldur óska eftir hærri yfirdrætti..

Ég get ekki kosið flokka sem ætla ekki að vera allt í senn löggjavarvald, framkvæmdarvald og dómsvald.

Ég get ekki sætt mig við, þegar skoða á atburði liðinna vikna, þá séu menn settir í dómarasætið sem hafa nákvæmlega enga hagsmuna að gæta.

Hvað drífur menn áfram sem ekki hafa einhverskonar hagsmuni að málum? Hvaða hugsunarháttur er það að ráða óháðan aðila sem maður þekkir ekki? Hann gæti haft aðrar skoðanir en ég. Hann gæti verið hafinn yfir flokkana eða atvinnurekendur. Hann gæti farið að hugsa um alþýðu og jöfn kjör.

Auðvitað erum við öll jöfn, sumir eru bara jafnari en aðrir. Er það ekki?

Furðulegt samt sem áður, miðað við hvað laun hafa hækkað á Alþingi að ráðamenn landsins virðast bara verða sérstakari. Átti ekki launahækkun að leiða til betri stjórnenda, eða var það að launahækkunin átti að draga þá sem eru gersamlega úr tengslum við landsmenn inn í pólitík?

Eins og það sé eitthvað að því að skulda nokkra jarda til IMF og drífa sig inn í ESB án kosninga.

Ein spurning, kanski tvær skjóta þó upp kollinum.

1. Ef jafnvel Davíð Oddsson vill frekar taka lán hjá kommunum en IMF, hann Dabbi er jú átrúnaðargoð frjálshyggjunnar, hversu slæmt er þá að skulda IMF?
   
2. Ef ákvörðun um ESB er tekin án kosninga, hvenær eigum við þá að ræða það og ákveða í sameiningu? (samræðupólitík einhver???)
   

En ég er ekki að vinna.

Ríkur maður kemur niður að strönd. Hittir þar fyrir mann sem liggur á störndinni og er að veiða.
Sá ríki fer að spjalla og spyr hvað veiðimaðurinn geri í lífinu.
Maðurinn segist ekkert gera.
Þeim ríka verður hvelft við. "Gerirðu ekkert?" "Hvernig fæðir þú fjölskylduna þína?"
Maðurinn svarar því til að hann veiði sér nú í matinn og rækti smá grænmeti og ávexti.
Sá ríki hristir höfuði. "En hvernig borgarðu reikninga?"
Maðurinn svarar því til að hann skuldi ekkert.

Sá ríki segir "en ef þú veiðir nú nægjanlega mikið af fisk þá gætirðu fengið þér fullt af hlutum, keypt þér stærra hús og bíl ofl."
Maðurinn spyr þann ríka. "En hvað svo?"

Sá ríki svarar. "Svo geturðu keypt þér stærri bát, jafnvel togara og farið að veiða meira og eignast meiri peninga. Stofnað fyrirtæki og unnið fiskinn sem þú veiðir og flutt hann síðan til útlanda og grætt fullt af pening."

Maðurinn spyr þann ríka aftur. "En hvað svo?"

Sá ríki svarar. "Svo getur þú haldið áfram að stækka fyrirtækið, keypt fleirri báta, bíla og flugvélar. Síðan þegar þetta er orðið nógu stórt fyrirtæki þá selur þu það og græðir enn meiri peninga."

Maðurinn spyr þann ríka enn aftur. "En hvað svo?"

Sá ríki svarar. "Nú þá getur þú hætt að vinna, slappað af, farið að veiða og eytt tíma með fjölskyldunni. "

Þá sagði maðurinn við þann ríka. "En ég er ekki að vinna."

Hvað fæ ég í staðinn

Hvernig eigum við að treysta fólki.

Ekkert í þessu lífi er 100% nema dauðinn og skattar.
Sá sem býður þér húsið er sölumaður, sá sem ætlar að lækna þig fær borgað fyrir það.
Hvernig getur þú treyst einhverjum í samfélagi þar sem allt snýst um útborguð laun.

Allir eru að hugsa um hvað þeir fá í staðinn.

Menn eru hættir að vinna saman, án launa við að byggja upp samfélag.

Verðmiði er nefninlega hinn heilagi sannleikur alls þess sem er og mun verða.
Hann segir til um ríkidæmi og fátækt, hamingju og vesbúð og allt þar á milli.

Settu verðmiða á börnin þín, því þú ert nú þegar búinn að selja þau á vald gróðrarhyggju, samkeppninnar og lélegrar síbylju meðalmennskunnar sem allir gleypa við, af því að búið er að spila sömu plötuna aftur og aftur.

Vinnan gerir þig frjálsan!!! Vinnan gerir þig frjálsan!!!

Afmæli "til hamingju með það".

Afmæli eru ofmetin. En ein áminning þess að þú átt eftir að enda sem ormafæða í of dýru ikea rúmmi. Þér verður á endanum plantað niður, ásamt öllum hinum sem allir aðrir eru búnir að gleyma.

Hvernig væri að banna afmælisdaga. Það er heldur ekkert að marka þá. Þó það séu liðin X ár síðan þú komst í heiminn þá eru náttúrulega X ár PLÚS 9 mánuðir síðan þú varðst til.

Í raun ertu að fagna því að móðir þín lá í 20 tíma, ósjálfbjarga, í einverskonar trúboðarstellingu. Öskrandi á föður þinn, hveskonar liðleysa hann væri að geta ekki drullast til halda í sér, algerlega að missa sig yfir sársaukanum sem skríður í gegnum stoðkerfið og mjaðmagrindina allt í einu bara til þess að þú gætir einhvern daginn öskrað og gargað yfir því hvað allir aðrir fá að vera úti til tíu nema þú.

Hverju ertu svo að fagna. Lífi þínu sem í samanburði við átrúnaðargoðin verður í besta falli litlaust og óáhugavert. En þú hefur "möguleika", þú gætir orðið það sem þú vilt. En þú lætur ekki verða af því. Það er nefninlega betra að eiga möguleika á því að verða hvað sem er, heldur en að vera lélegur í því sem þig langar virkilega að verða.

Til hamingju með það.

Hættu svo að grenja þegar þú kúkar. Það er betra að elska og tapa ástinni heldur en að horfa á hana mjakast niður í klósetið á meðan þú veltir því fyrir þér hvort það sé kúkurinn sem er að meiða þig eða mataræðið..

Lifi byltingin

Ég ætla að mæta fyrir framan þetta steinhús og mótmæla, með öllum hinum 20 íslendingunum sem auðvitað endurspegla vilja þjóðarinnar. Við höfum valdið í hendi okkar. Við erum vilji fólksins.

Ísland úr Nató, Björninn burt.

Það er ráðamönnum til happs hvað fjöldin er sneiddur allri rökhugsun.

Hvenig annars er hægt að útskýra þessa rúmlega 60 vitleysingja sem eru að þinga fyrir okkur.

Ísland úr Nató, Ísbjörninn burt.

Mótmæli munu skila tilætluðum árangri á sama tíma og bloggskrif breyta heiminum.
Þessi bylting hefst á einu skrefi íklæddur 29.000 krónu skóm og endar í moldarkofa.

Ísland úr Nató og útlendingana burt.

Við endum eins og þriðja ríkið? Davíð öskrandi í neðanjarðarbyrginu sínu Philip Green fær ekki Baug fyrir 5%. Sókn er besta vörnin kaupum Bretland.

Ísland uber alles.

Hálshöggvum aðalinn og þjóðnýtum lestarkerfið þeirra, þær eru aldrei á tíma.

Indland næst.

It wasn´t me mom

Veistu það var bara ekki mér að kenna. Stór hundur frá útlöndum át launin mín. Reddar þú þessu ekki bara mamma? Þú skuldar ekkert. Þú tekur bara lán.

Ég veit þú ert bara með 300.000 kr. á mánuði en þú færð alveg 10.000.000 að láni og svo geturðu tekið yfirdrátt hjá IMF. Þú sleppir því bara að fara í bónus aðra hverju viku þá reddast þetta.

IMF? Já það er fínn banki, þú gætir þurft að þvo aðeins af forstjórunum en það er bara þangað til þú ert búin að borga lánið til baka, sem ætti að taka um 50 ár.

Ertu að vinna fulla vinnu nú þegar, já en hvernig ætlarðu þá að fá lánið?

Þú bara verður að leggja meira á þig.

Ég? Ég er að stjórna fyrirtæki, byggja upp business, ég á ekkert aflögu. Ég meina ég get ekki bara látið mínar eigur í þetta þá verður engin vermætasköpun fyrir mi...Ísland.

Ætli sálin sé til sölu, þá á ég ekki við hljómsveitina.

Ég var að fá tilboð í allar samvisku ákvarðanir mínar næstu 15-20 árin.

  

Ég þarf bara að skrifa undir samning, fá fullt af peningum og hver einasta ákvörðun sem ég tek næstu 15-20 árin er í höndunum á einhverjum sem kallar sig Mammon.  Ég hef ekki miklar áhyggjur, hann hefur góða ferilskrá.  

Eitt sinn bjargaði hann meira að segja mjög hungraðri konu með því að finna fyrir hana næringaríkt epli.  Hann er í raun ástæðan fyrir því að heimurinn var þrifinn fyrir einhverjum árum síðan.  

Virðist vera helvíti fínn gaur.  

Hvað eru líka 15-20 ár milli vina?  

Hvað er það versta sem getur gerst?  Hann fer ekki að láta mig gera eitthvað sem er gegn mínum hagsmunum?  Er það? Hvað ef hans hagsmunir og mínir hagsmunir fara ekki saman?

Æ ég verð að hætta þessari paranoiu, það er ekki eins og ég sé að selja raforkuver eða gefa út álversleyfi.   

Ég er ekki það ruglaður.....

.  

Brown is not my color

Það er einhvern veginn eins og hann klessist utan í allt og alla.  Reynir alltaf að troða sér þar sem maður vill helst ekki sjá hann s.s. aftan á sitjandann eða neðst á buxnaskálmina.  

Maður sér hann ekki alltaf, því hann getur bara ráðist á ákveðna liti.  Helst varnarlausa liti með allt of mikið sjálfsálit.  Hvítur er til að mynda kjörinn litur til að ofsækja.  Alls ekki stofna útibú hvítra hjá brúnum.  Brúnn gæti beytt sértækum aðgerðum, hreinlega sett þá í aflitun bara svo að  brúnn líti betur út.

Lítil furða að hægðir eru brúnar

Gjaldþrot, er það á námskrá í viðskiptadeild HÍ

Ofsalega er hann Sigurjón góður bankastjóri, nú og Bjöggi góður atvinnurekandi.  Þeir hafa báðir sett fyrirtæki á hausinn.  Það sýnir styrk þeirra og þor að standa upp úr slíku og taka að sér að stjórna öðru fyrirtæki.  Enda á maður auðvitað að fara strax á bak aftur, ef maður dettur.  

Hvenær ælta þeir samt að hætta að kenna truntunni um?  Eða dómaranum?

Bílar, reiðhjól lata mansins

200.000 bílar í landinu þar af 50.000 með bílaláni á.  

Hvar fá þeir stæði, ég get ómögulega fundið stæði neinstaðar þegar ég mæti í sódómu.

Það verða bráðum fleirri bílar en fólk á skerinu og öllum einhvernveginn lagt í reykjavík.  

Spurning um að labba.....nei!!!  Frekar fer ég í smáralindina.

Þyrla er málið

Djöfulegt að þurfa að dröslast í þessum bílaröðum daginn út og inn.   

Mætti halda að þetta fólk hefði ekkert betra við tíma sinn að gera en að vera fyrir mér.  

Hvernig væri nú að skólar byrjuðu aðeins seinna á daginn svo ég þyrfti ekki að vakna klukkan 6:30 bara til að mæta í vinnuna.....

Svona var hver einasti dagur hins þjakað viðskiptafræðings/lögfræðings-grey.

Það er munur að vera kennari. Það er samt spurning um að biðja um kaupréttarsamning.  

Doctor í hreingerningum

Auðvitað á kennari að vera ráðinn  í stjórn bankastofnunar, alveg eins og hægt er að ráða seðlabankastjóra sem heilaskurðlæknir.  Er það ekki?

Kennarinn getur haft hemil á öllum vandræðabörnum í bankanum, passað upp á að rýrnun sé í lágmarki.  Kannski svona 2%, er það ekki ásættanlegt svona á síðustu og verstu.

Seðlabankastjóri getur útbúið flæðirit og sýnt okkur tölur í excel sem segja að það séu meiri líkur en minni að sjúklingurinn lifi aðgerðina af.  Hann getur svo líka alltaf sagt að hann hafi mikla reynslu af heilastarfsemi, hann dreymir oft bláar kindur og björn.  Ætli það sé fyrir peningum? Eða rússum?

Ef Guð væri til, hvaða bíl myndi hann kaupa?

Ég held, ef hann væri til, þá æki hann um á Bentley.  

Hversvegna?  Af því að hann er Guð! 

Hann getur ekki verið minni maður en Jón Ásgeir .

Stóra spurningin er hinsvegar: Tæki hann lán? 

Ef 50.000 íslendingar taka lán þá hlýtur Guð að gera það líka, er það ekki?

Íslendingar eru ekki vitlausir!!!?

We are Leaving!!!

Ef ég fæ ekki topgear
Ef ég fæ ekki Hringinn
Ef ég fæ ekki Nokia
Ef ég fæ ekki Bang og Olufsen
Ef ég fæ ekki Enska Boltan
Ef ég fæ ekki kaffi latte
Ef ég fæ ekki prosutto crudo
Ef ég fæ ekki parmesano
Ef ég fæ ekki mohito
Ef ég fæ ekki kalvin jakkaföt
Ef ég fæ ekki Calsberg
Ef ég fæ ekki Benz
Ef ég fæ ekki Apple
Ef ég fæ ekki King Edwards
................sökum þessara gjaldeyrishafta þá erum við farin af þessu skeri... Mér fanst pastað hvort eð er betra í Róm, svo er hægt að fá villt jarðaber í eftirrétt mmm....jamm

Ég er eins og ég er, eins og ég er....alsber

Ég er frjáls til að gera það sem mig langar til.  Svo lengi sem bankinn vill lána mér.

Ég verð að fá bíl, hjól, húsgögn, föt, raftæki og utanlandsdraumaferðir.  Þegar ég er svo búinn að borga af þessu öllu saman þá er ég frjáls til að gera þetta allt aftur upp á nýtt, enda gamla dótið orðið ónýtt og hallærislegt.  

Bankinn er minn guð og kraftaverkin hans eru lán.   

Dásamlegt þetta frelsi.

Hið mannlega

Eina ástæðan fyrir því að stefnur og straumar í stjórnmálum ganga ekki upp er að þær eru upp á manneskjur og mannlegt eðli komnar.  

En ef þær ganga upp hvernig væri þá að ræsa HAL og taka Bláu töfluna og bara kúra sig í Fylkinu.

Næst blöndum við þessu bara öllu saman

Kenningin hans Karls M er fallin.  Kenningin hans Adam S er fallin.   Hægri armurinn skilur ekki hvernig fólk getur bara hætt að kaupa hluti enda hefur hann litið á Kók sem nauðsynjavöru, vinstri armurinn veit ekki alveg hvort tré eru málið en það verður að vernda mosann.  

Á maður þá að kryfja þessa hugsuði enn frekar, blanda saman Engels, David Ricardo, Hegel, Kierkegaard, Shopenhouer, Sartre, Heidegger, Malthus og Izzard.  

Persónulega held ég að Izzard hafi hitt naglan á höfuðið þegar hann sagði að við værum  "male lesbians".  Mér finst eins og orð hans tali til mín þessa dagana.  

Hann var kanski ekki að tala um heimspeki eða hagfræðikenningar.  

Karl Marx er ekki hér.

Þegar ég labba út á hlað þá sé ég að hann Kalli Marx er löngu búinn að yfirgefa mig.  Hvar er jafnréttið til handa þeim auðmjúku, ósérhlífnu og baráttuglöðu mönnum þessa lands.  Síðan hvenær má konan bara taka bílinn.  Hvernig get ég látið sjá mig á lítilli Vento druslu, eða jeppa sem á bara að nota á sumrin.  Sjálfselskan í þessum konum alltaf.  Næst tekur hún ábyggilega Patriciu Peppe jakkann minn.  Ég hefði aldrei átt að fara í þetta fitusog.

Vladímir Lenín verslaði aldrei í GK

Ég verð að velja á milli þess að kaupa mér Kók eða bensín, ég vel bensín auðvitað en fæ samt bakþanka.  Ætli ég hafi valið rétt, hversu langt ætli ég gæti labbað á Kók flösku.  Ég nenni ekki að spá í þessu lengur enda kominn í GK.  Það er útsala ég bara verð að fá mér skyrtu.

Fjodor Dostojevski

Mér líður eins og ég sé staddur í Uljanovsk í fyrrum Sovétríkjunum.  Ljóstíran frá ljósastaurnum nær ekki inn til að lýsa upp herbergið mitt.  Það er vöruskortur og enga ljósaperur að fá í landinu, nema gegn einhverjum krókaleiðum.  Ég hef ekki efni á því að kaupa mér ljósaperu hvort sem er þannig að ég reyni að lesa í mykrinu.  Eins gott að tölvur eru með innbyggðar perur sem lýsa upp skjáinn.  Ég veit ekki hvernig ég myndi skrifa þetta öðru vísi.

Ég er farinn að hamstra dósamat.