Vildi bara minna þig á
Sannast sagna þá kemur það í ljós núna eftir kosningar hversu út úr takti við allan raunveruleika íslenskir stjórnmálamenn eru. Aðeins Steingrímur J ljáði spurningu Egils svars. En spurningin sem Egill spurði var ein af mörgum og var spurð stærri nöfnum flokkana. "Ísland úr nató herinn burt?" Steini sagði já. Einn kallaði þetta tímaskekkju en það fyndna við það svar var að sjálfur er hann tímaskekkja í sínum flokki og kemst þar að auki áfram á svila sínum (er hún það ekki annars?). Hvað kemur nú í ljós Bandaríkjamenn ætla sjálfir að taka herinn burt enda hefur ekki verið ráðist á ísland í 400 ár nema þá helst þegar hann Jörundur kallinn kom hingað. Upp rísa nú menn og kvarta yfir atvinnumissi og að varnir íslands séu í hættu. Það eina sem er í hættu er að hér verði ekki almennilegar þyrlur til sjúkraflugs. Það sem er í hættu er að við þurfum actually að eyða meiri pening í varðskip og þyrlu. Það er lítill kostnaður á við það að vera stanslaust skotmark Rússneskra kjarnaodda eða það álitslýti sem er að vera já menn Bush. Við erum sjálfstæð þjóð sem á ekki að vera bendluð við her af nokkrum toga nema þá helst hjálpræðisherinn. Það er ekkert hingað að sækja, það er ekki eins og einhverjir ætli að ná yfirráðum yfir fiskmörkuðum heimsins og ráðast á þessa harðstjóra á íslandi sem vilja ekki selja meira af óunnum fisk. Það er ekki eins og að hér séu þær auðlindir í því mæli sem kalla á VÖRN. Hættið að hlusta á Björn hundraðsforingja og reynið að koma hugsjónum ykkar á framfæri sem var jú ástæða þess að þið fóruð í pólitík í upphafi. Þið eruð í öllum flokkum og reynið ekki að neita því, það sást til ykkar í göngunni á sínum tíma, og í sendiráðinu með kverið í annarri hrópandi "lifi byltingin". Hættið að moka undir rassgatið á ykkur og peningamönnum ykkar þetta er ekki spurning um peninga þetta er spurning um að henda könum út úr landinu. Hlutlausir vorum við þegar við lýstum yfir sjálfstæði og það er sú staða sem við eigum að hafa. (If you are not with us you are against us) Sönglaði þessi maður á sínum tíma, við látum ekki hóta okkur lengur. Burt með Bandaríkjaher!!!