Örlán til fólksins

Er þessi formaður VR ekki með öllum mjalla? Nú líkir hann íslandi við þróunarríki sem þurfi að byggja upp á sama hátt og Bangladesh og Thailand.

Hann ætlar jafnframt að lána fólki án veðs. Hver á þessa peninga sem hann ætlar að lána?
Það skyldi þó ekki vera að maðurinn sé að leika hér einhvern engil til að fegra ímynd sína sem sannast sagna þarf töluvert meira til en svona pr-bull.

Að hann skuli ekki sjá sóma sinn í að viðurkenna afglöp sín í starfi, það væri þó fyrsta skrefið. Næst væri að lækka laun sín verulega og hið þriðja væri að reyna að vinna upp það tap sem ákvarðanir hans hafa kostað sjóðsfélaga. Hvenær í þessu ferli sem hann óskar að láta af störfum, skiptir mig ekki máli. Strax væri auðvita best. En villuráfandi sauðir eru óviljugir dregnir úr dilkum sem gefa vel af sér.