Um 55% skattheimta á olíu.

Já ef þetta væri nú svona einfalt þá værum við nú í góðum málum.  En Norðmenn eru með 74% skattlagningu.  Af hverju miðum við okkur ekki við þá?  Íslendingar eru skattlagðir í topp um 68% þegar allt er talið, af hverju má ekki skattleggja þessa vinnslu allavega í samræmi við það.  Það má heldur ekki gleyma að fyrstu 20 milljón tunnurnar eru með 5% skatti.  

Í einni tunnu af olíu eru 159 lítrar.  Það þýðir að Íslenska ríkið er að gefa (miðað við núverandi gegni á tunnu 33.87 dollarar og gengi dollars 121,48 kr) 677.400.000 dollara eða 645.140.000 eftir skatt.  Sem þýðir 78.371.954.300 króna.  Það er sem sagt verið að gefa 78 milljarða í rannsóknarstyrk á svæði sem nú þegar er búið að rannsaka og líkur eru á að töluvert magn olíu sé að finna.  

Ég geri mér fyllilega grein fyrir að þetta svæði er mjög erfitt til olíuvinnslu, og óvíst hvort það borgi sig í nánustu framtíð miðað við verð á hráolíu í dag.  

En bara ein spurning.  Af hverju er ekki sambærilegur skattur á vatnsfyrirtæki?