Stafir Lífeyrissjóður

"Samvinnulífeyrissjóðsins og Lífeyrissjóðsins Lífiðnar og tók formlega til starfa að fengnu samþykki fjármálaráðuneytisins þann 1. janúar 2007. Eignir sjóðsins við samruna námu um 70 milljörðum króna og var sjóðurinn við samruna 5. stærsti lífeyrissjóðurinn á Íslandi. Um 50 þúsund manns eiga réttindi í Stöfum". Þessir helvítis glæpamenn sem vinna þarna eru sem sagt með eignir 50 þúsund íslendinga. Ég er með bréf í höndunum þar sem ég er beðin um að svara hvað leið ég ætli nú að fara í mínum sparnaði. Leið 1 eru verðtryggð innlán. Leið 2 eru skuldabréf. Leið 3 er svo hlutabréf + skuldabréf. Hvaða leið haldið þið nú að sé fyrirfram valin leið ef þessir 50 þúsund einstaklingar svara ekki bréfinu.

LEIÐ 3. Mig langar svo að keyra í bæinn hitta þennan Ólaf Sigurðsson sem er framkvæmdastjóri lífeyrisjóðsins og hreinlega banka aðeins í hausinn á honum.

Er hann ekki búinn að vera á Íslandi undanfarið ár. Er maðurinn í ruglinu. Hlutverk lífeyrissjóðsins er að ávaxta fé sjóðsfélaga. Það stendur beinlínis í þessu bréfi að leið 3 sé sú áhættusamasta. Samt er hún valin sem sú leið sem fara skal ef enginn svara.

Ég er kominn á þá skoðun að ég sjái um minn lífeyrir sjálfur. Ég geri bara samning við minn banka um að leggja inn á sérstaka lífeyrisbók sem er bundin þar til ég verð sextugur og hætta þessu helvítis kjaftæði. Fyrst að menn geta ekki stýrt þessu eftir heilbrigðri skynsemi.