Og nú Inga B S

B.S stendur auðvitað fyrir bull shit. "Ábyrgðin og orsökin liggur hjá öðrum" öðrum heldur en eftirlitsstofnunum, löggjafanum og ráðherrum. Ef Íslendingar sjá ekki í gegnum þessa anskotans þvælu. Auðvitað er það fyrst og fremst ráðamönnum og hælbítum þeirra að kenna að hér er þjóðin á hausnum. Þær afætur sem fengu bankana, og önnur fyrirtæki gefins hugsa auðvitað ekki um hag þjóðarinnar. Þeirra eina skylda er að hámarka hagnað innan þeirra laga sem stjórnvöld setja.

Ef frú Ingibjörg n. s. hafði áhyggjur af stöðu mála þá átti hún auðvitað að gera eitthvað strax og hún tók þátt í stjórn landsins. En dæmigert fyrir þennan endalausa þvælustjórnmálamann. Hún talaði um það í 10 ár að allur vandi Reykjavíkurborgar væri tilkominn vegna Sjálfstæðismann. Það væri gaman að heyra hvað hún hefur að segja um skuldastöðu borgarinnar nú. Það hlýtur að vera sjálfstæðisflokknum að kenna. Einhvernveginn er allt öllum öðrum að kenna og hún og hennar flokkur getur ekki gert nokkurn skapaðan hlut til að laga það.

Hvenær sér fólk í gegnum þetta bull.

Ef hún hefði sagt. Já við sváfum á verðinum. Við hunsuðum viðvaranir lærðra manna. Við tókum rangar ákvarðanir í kjölfar hrunsins. Við hefðum getað gert hlutina með öðrum hætti. Við höfum ákveðið að Bankamálaráðherra víkji, fjármálaráðherra hverfi í hrossalækningar og allir þeir sem báru ábyrgð eru ekki lengur að vinna hjá bönkunum. Stjórn Seðlabankans er farin til annarra starfa, yfirmenn FME eru komnir á atvinnuleysisskrá og við samþykkjum ekki afarskilmála og munum sækja rétt okkar á alþjóðavísu.

Þá hefði ég sagt flott. Þið fáið nokkra mánuði til viðbótar að laga stöðuna. En það er enginn hættur hjá bönkunum, fme, Alþingi, Seðlabanka eða annarstaðar þar sem ábyrgðin liggur. NEI. Við segjum já og amenn við öllu sem okkur er ætlað að borga og allir fá að taka þátt í sukkinu áfram. Minni líka á að enginn hefur verið sóttur til saka sem annað hvort bendir til þess að allt sem menn gerðu var innan settra laga, eða að þeir sem gerðu eitthvað af sér fá sérmeðferð. Í báðum tilvikum er við ríkisstjórnina og hana Ingibjörgu að sakast.

Það hlýtur að fá fólk til að skoða samsæriskenningar betur, varðandi fjárhagstengsl alþingismanna og þeirra sem eru gerendur í þjóðargjaldþrotinu. Fólk hlýtur að spyrja sig því í ósköpunum menn fengu að stofna einkafyrirtæki í janúar og febrúar og færa allar sínar eignir (skuldir í dag) yfir í þau félög þegar slíkt var óheimilt samkvæmt lögum viðkomandi fjármálastofnanna. Hversvegna stjórn afléttir persónulegum ábyrgðum yfirmanna bankanna á skuldum sínum rétt fyrir hrunið. Hvernig ekki einn yfirmaður bankanna, eða maður í yfirstjórn er farinn á hausinn þrátt fyrir að þeir hafi skulda hátt í 100 milljarða til allra bankanna þriggja stuttu fyrir hrun bankanna. Ef þetta fólk á fyrir skuldum sínum þá vill ég fá það inn strax. Ég vill líka að það fólk sem lætur enkahlutafélög fara á hausinn geti ekki unnið í bönkum, annað er hræsni.

Annars nenni ég ekki að spá í þessu lengur en mæli með því að fólk leggi fjármuni sína í Sparisjóð Strandamanna. www.spstr.is Hann er ekki í eigu auðmanna landsins. Hann er af gamla skólanum. Af hverju? Hann var of lítill til að verða keyptur upp. Ekki falla fyrir því að spkef eða spron eða hvað sem þér dettur í hug séu ekki tengdir þessu valdabrölti sem átt hefur sér stað undanfarið. Ég mæli með því að þið færið allar ykkar eignir yfir í þennan banka. Um leið þá setjið þið SPRON, SPKEF, KBBANKA, LANDSBANKA, GLITNIR og alla litlu bankana sem búið er að ræna, á hausinn. Síðan verður bara einn banki, Sparisjóður Strandamanna. Kukklararnir munu stjórna landinu og rísa upp aftur.