Walk alone, rafa

Á meðan snillingurinn Rafa stillir upp liði eins og Guðjón Þórðar, vörn vörn vörn þá hljóp ég 9 km. En þess fyrir utan þá labbaði ég 4 km úti sem þýðir að ég náði 13 km í gær.

Hversvegna er verið að stilla upp 4-5-1 í hverjum einasta leik. Að tapa stigum í 6 af 9 síðustu leikjum er skandall sérstaklega þegar maður skoðar hvaða lið var verið að spila við.
Maður skildi ætla að þegar lið eru á toppnum þá geta þau spilað fótbolta. Fyrir ykkur sem segja að Rafa sé snillingur þá þýðir ósköp lítið að vinna Chelsea tvisvar en tapa stigum gegn Stoke, Hull, Wigan, Fulham ofl. 9 jafntefli er bara ekki merki um snilligáfur.

Meðan ég man Keano skoraði 3 mörk í tveimur leikjum þar af frábært mark gegn Arsenal, Liverpool var í efsta sæti. Hann er svo hafður á bekknum eða ekki með næstu þrjá leiki og Liverpool gerir 3 jafntefli. Vinnur síðan Chelsea eins og það bjargi einhverju. Á meðan Keano var hjá Liverpool þá var liðið í efsta sæti deildarinnar í fyrsta skiptið síðan 199 og eitthvað. 7 mörk og 5 stoðsendingar í 28 leikjum. Hann hefur spilað 1633 mínútur það eru 58 mínútur í leik. Hann hefur aðeins klárað 6 af þeim 28 leikjum. Kuyt hefur á meðan spilað 2330 mínútur og skorað 5 mörk. Það þýðir heldur ekki að tala um að hann sé notaður sem kanntmaður þegar liðið spilar 4-5-1 þá eru kanntmenn notaðir sem sóknarmenn. Það er að segja að liðið verst 4-5-1 en sækir 4-3-3. Eða á að gera það.

Það hlakkaði í mér í gær, þegar ónefndur Spánverji gat ekkert og þegar Hollendingur kom inná og gat ekki blautan. Það hlakkaði í mér þegar táningur skoraði mark á 118 mínútu og það á eftir að hlakka í mér þegar UTD vinnur 3 árið í röð, jafnar 18 titla Liverpool og er í bestu stöðu til að vinna á næsta ári vegna þess að þeir kaupa leikmenn og nota þá.