Breytingar á útvarps- og samkeppnislögum

Hér að neðan gefur að líta bréf sem var sent á mig. Hér er grátið yfir því að starfsöryggi sé í hættu. Ég skil að vísu ekki hvernig maðurinn getur talað um starfsheiður þegar hann sjálfur hvetur fólk til að skrá sig gegn sannfæringu sinni. Ef þetta er formaður blaðamannafélagsins (hann sendir þennan póst í eigin nafni en ekki sem formaður blaðamannafélagsins) hvernig eru hinir? Voru starfsmenn norðurljósa dag og nótt að skrá fólk á þennan lista? Mér segir svo hugur um. Mér þætti líka gaman að vita hversu margir af þeim sem skráðu sig eru í raun kosningabærir. Ég segi ekki að ég sé samþykkur málsmeðferðinni í Alþingi en það kemur frumvarpinu (þetta eru víst orðin lög í dag) ekkert við hvort við erum ósátt við málsmeðferð eða ekki. Frumvarpið er ekki gallað þetta eru örfáar viðbætur og breytingar. Skoðum þessar breytingar aðeins.

Lög

um breytingu á útvarpslögum, nr. 53/2000,
og samkeppnislögum, nr. 8/1993.

1. gr.

Eftirfarandi breytingar verða á 6. gr. útvarpslaga, nr. 53/2000:

a. 2. mgr. orðast svo:
Menntamálaráðherra skipar þrjá menn í útvarpsréttarnefnd til fjögurra ára og jafnmarga til vara. Tveir skulu skipaðir samkvæmt tilnefningu Hæstaréttar en einn skipar ráðherra án tilnefningar og skal hann jafnframt vera formaður nefndarinnar. Varamenn skulu skipaðir á sama hátt og skal varamaður formanns jafnframt vera varaformaður nefndarinnar. Nefndarmenn og varamenn þeirra skulu uppfylla starfsgengisskilyrði héraðsdómara. Nefndinni er heimilt að kalla sér til ráðgjafar og aðstoðar sérfróða aðila eftir því sem hún telur þörf á.

b. Á eftir 3. mgr. koma fjórar nýjar málsgreinar, svohljóðandi:
Útgáfa útvarpsleyfis er háð eftirfarandi skilyrðum:

-a. Óheimilt er að veita leyfi til útvarps til fyrirtækis sem hefur að meginmarkmiði rekstur sem er óskyldur fjölmiðlarekstri. Einnig er óheimilt að veita útvarpsleyfi fyrirtæki sem er að meira en 5% í eigu fyrirtækis eða fyrirtækjasamstæðu í markaðsráðandi stöðu á einhverju sviði viðskipta. Þetta á þó ekki við ef ársvelta markaðsráðandi fyrirtækis eða fyrirtækjasamstæðu á síðastliðnu reikningsári eða eftir atvikum síðastliðnum 12 mánuðum er undir tveimur milljörðum kr. Telja skal með veltu móður- og dótturfyrirtækja fyrirtækja innan sömu fyrirtækjasamstæðu og fyrirtækja sem markaðsráðandi fyrirtækið eða fyrirtækjasamstæðan hefur bein eða óbein yfirráð yfir. Þá er óheimilt að veita fyrirtæki útvarpsleyfi ef annað fyrirtæki á meira en 35% eignarhlut í því. Sömuleiðis er óheimilt að veita fyrirtæki útvarpsleyfi ef fyrirtæki í sömu fyrirtækjasamstæðu eiga samanlagt meira en 35% eignarhlut í því. Jafnframt er óheimilt að veita fyrirtæki útvarpsleyfi ef það eða fyrirtæki í sömu fyrirtækjasamstæðu er útgefandi dagblaðs, á hlut í útgefanda dagblaðs eða það er að hluta eða öllu leyti í eigu slíks fyrirtækis eða fyrirtækjasamstæðu.

-b. Ákvæði a-liðar á einnig við ef á milli fyrirtækja eru önnur náin tengsl en samstæðutengsl sem leitt geta til yfirráða.
Með umsóknum um útvarpsleyfi skulu fylgja upplýsingar sem gera útvarpsréttarnefnd kleift að meta hvort skilyrðum 4. mgr. sé fullnægt og útvarpsréttarnefnd telur nauðsynlegar. Við mat á því hvort fyrirtæki eða fyrirtækjasamstæða sé í markaðsráðandi stöðu skal útvarpsréttarnefnd leita álits Samkeppnisstofnunar.
Skylt er þeim aðilum sem útvarpsleyfi hafa að tilkynna útvarpsréttarnefnd um allar breytingar sem verða á eignarhaldi eða öðrum skilyrðum sem kveðið er á um í 4. mgr. Útvarpsréttarnefnd getur afturkallað útvarpsleyfi ef breytingar verða á eignarhaldi eða öðrum skilyrðum þannig að í bága fari við ákvæði 4. mgr. Þó skal veita leyfishafa frest í allt að 120 daga til að koma eignarhaldi eða öðrum skilyrðum í það horf að samrýmist ákvæðunum. Hafi eignarhaldi ekki verið komið í það horf að samrýmist ákvæðum laganna innan framangreindra tímamarka skal leyfishafa vera heimilt að krefjast úrskurðar viðskiptaráðherra um sölu viðkomandi eignarhlutar. Viðskiptaráðherra skal þá með úrskurði skylda hlutaðeigandi til að selja þann eignarhlut sem ekki er samrýmanlegur ákvæðum 4. mgr. innan mánaðar. Hafi sala þá ekki farið fram skal afhenda viðskiptaráðherra hlutabréfin eða skilríki fyrir eignarhlutnum ásamt undirrituðu söluumboði. Hann skal þá fela óháðu verðbréfafyrirtæki að selja þann eignarhlut sem um ræðir til aðila sem uppfyllir skilyrði laganna.
Útvarpsréttarnefnd getur vikið frá skilyrðum 4. mgr. ef um er að ræða leyfi til svæðisbundins hljóðvarps.

2. gr.

Við 1. mgr. 8. gr. samkeppnislaga, nr. 8/1993, bætast sex nýir málsliðir, svohljóðandi: Samkeppnisstofnun skal láta útvarpsréttarnefnd í té álit skv. 5. mgr. 6. gr. útvarpslaga. Telji Samkeppnisstofnun að fyrirtæki kunni að vera í markaðsráðandi stöðu skal hún birta því greinargerð um málið sem nefnist frumathugun. Skal þar lýst helstu staðreyndum máls, meginskýringum Samkeppnisstofnunar og helstu niðurstöðum. Aðila skal veittur hæfilegur frestur til andmæla og skriflegra athugasemda og til að koma að gögnum. Að öðru leyti gilda ákvæði stjórnsýslulaga, nr. 37/1993, um álitsgjöf Samkeppnisstofnunar. Niðurstaða Samkeppnisstofnunar sætir kæru til áfrýjunarnefndar samkeppnismála skv. 9. gr. laga þessara.

3. gr.

Lög þessi öðlast þegar gildi.

Ákvæði til bráðabirgða.

Útvarpsréttarnefnd skal vera heimilt að framlengja útvarpsleyfi sem falla úr gildi innan tveggja ára frá gildistöku laga þessara, jafnvel þótt leyfishafi uppfylli ekki skilyrði 1. gr. laganna, þó aldrei lengur en til 1. júní 2006.


Samþykkt á Alþingi 24. maí 2004

Auðvitað eru menn óháðir í fréttaflutning

> Félagar
>
> Stundum er nóg komið. Nú er sú stund.
> Aðför stjórnvalda að starfsöryggi og starfsheiðri okkar sem vinnum hjá
> Norðurljósum náði hámarki í lagafrumvarpi forsætisráðherra á dögunum.
> Umræðan síðustu vikur hefur verið á mörkum hins vitræna. Við höfum horft
> uppá þingmenn fara hamförum með blöð og greinar; grenjandi í ræðustól um að
> hitt og þetta verði að stöðva. Svo ofsafengin framganga, svo
> einstrengingsleg afstaða, svo blind heift hefur lamandi áhrif á þann sem
> fyrir verður. Slík eru áhrif sálfræðihernaðar; hann heggur að vilja
> andstæðingsins til að svara fyrir sig. Gerir óvininn óvirkann áður en til
> orustu kemur. Nú reynir á okkur að rísa til varnar. Að óbreyttu verður
> fantafrumvarpið að lögum eftir helgi. Afleiðingarnar fyrir störf okkar og
> afkomu eru óljós. Við höfum eitt hálmstrá. Ólafur Ragnar Grímsson sagði í
> kosningabaráttunni 1996 að hefði hann verið forseti þegar rúmlega 30.000
> manns skoruðu á Vigdísi Finnbogadóttur til að undirrita ekki EES samninginn,
> þá hefði hann orðið við því og neitað að staðfesta lögin.
> Tökum nú á öll sem eitt og söfnum 35000 undirskriftum yfir helgina á
> askorun.is. Við höfum tíma á meðan stjórnarandstaðan heldur uppi málþófi.
> Sendið tölvpóst á ALLA sem þið þekkið, hringið í fjarskylda ættingja úti á
> landi sem þið hafið ekki heyrt í í sjö ár. Nú er tíminn til endurnýja
> kynnin. Fáið fólk til að skrifa nafn og kennitölu á askorun.is Sé fólk
> fylgjandi frumvarpinu, fáið það samt til að skrifa undir sem persónulegan
> greiða við ykkur. Mætið í vinnuna á morgun og á sunnudag eða sitjið við
> tölvuna heima við, hringjið, djöflist, látið öllum illum látum, söfnum
> þessum undirskriftum, fáum þessum ólögum hrundið, kaupum tíma til að fá þau í það
> minnsta milduð í haust. Nú reynir á. Gjör rétt - þol ei órétt.
>
> Róbert Marshall

You're mother was a hamster and you're father smelled of erdenberries

Well, u-- um, can we come up and have a look?


What Monty Python Character are you?
brought to you by Quizilla