Krísustjórnun
Eitthvað sem menn ættu að vera farnir að tileinka sér á íslandi. Það kæmi kanski í veg fyrir að Samfylkingin tæki svona gríðarlega skemmtilega póla í kosningahæðina sína. Það kæmi líka í veg fyrir að sparktuðrufífl eins og bæjarstjórinn á ónefndum stað bulli hverskonar vitleysu í útvarpið. Kári "félagi" tæki þá kansi upp á því að nota orð sem miðla að því að koma viðkomandi aðila í skilning um vilja hans án þess að viðkomandi aðili haldi að sjúkrahúsvist bíði hans. Davíð kallinn mundi ekki fá fólk svona rosalega upp á móti sér og Atli E væri ekki landsliðsþjálfari lengur.

Ef ég segði þér að af þeim sveitarfélögum sem við höfum verið að tala við undanfarið um krísustjórnunarmál þá eru þónokkuð mörg sem eru ekki með sérstaka áætlun og hafa ekki áhuga á að kynna sér slíka. Hugsa sér í nútímaþjóðfélagi þar sem allt tal um áfallahjálp og sálfræðiaðstoðir ef fólk dettur í hálku, er ekki einu sinni áætlun til um við hverja á að tala þega áfall kemur upp. "Við hringjum bara í lögguna". Eins og lögreglan sé í stakk búin til að aðstoða fólk sem er í sjokki. Þetta eru menn sem berja mann og annan fyrir að tala um beikonfílu. Það er ótrúlegt hversu miklar hórur íslenskir stjórnmálamenn eru. Ef málefnið er ekki í umræðunni þá er óþarfi að skoða það. Svo kemur eitthvað upp á og það kemur í ljós að skortur á áætlunum var til þess að ekki var hægt að bregðast nógu fljótt við. Ég ætla ekki að fara að grafa upp einstök mál en það eru mjög stór slys í íslandssöngunni sem hafa orðið fyrir barðinu á þessu skipulagsleysi íslenskra stjórnvalda, (með orðinu stjórnvöld á ég líka við sveitarfélög, bæir og borgir ásamt slysarvarnarfélögumog almannavörnum íslands. Það eina sem við erum hugsanlega tilbúin undir eru skjálftar og eldgos. Sem gerast kanski á 15 til 20 ára fresti og mun sjaldnar ef við erum að hafa áhyggjur af fólki almennt.

Ég bara spyr hvaða áætlanir eru til um hvað á að gera ef það verður slys í áburðarverksmiðjunni eða álverinu. Nú er ég ekki að tala um smá bruna heldur ef þessar verksmiðjur hreinlega springa í loft upp, sem getur gerst nóta bene. Það er ótrúlegt hvað allt gengur út á að láta okkur halda að allt sé í lagi í stað þess að actually sjá til þess að allt sé í lagi.

Just wanted to nag

Bandalag hinna viljugu
Ég ætla að telja þau upp.

Ástralía, Bandaríkin, Ástralía, Bretland, Danmörk, Holland, ÍSLAND, Ítalía, Japan, Portúgal, Spánn - ok normal þjóðir svona að mestu en hvað tekur svo við.

Afganistan, Albanía, Aserbaídsjan, Búlgaría, Dóminíska lýðveldið, Eistalnd, El Salvador, Erítrea, Eþíópía, Filipseyjar, Georgía, Hondúras, Ksta Ríka, Kólumbía, Kúvæt, Lettland, Litháen, MAkedónía, Marshalleyjar, Míkrónesía, Mongólía, Níkaragúa, Palau, Pólland, Rúanda, Rúmenía, Salómonseyjar, Singapore, Slóvakía, Suður Kórea, Tékkland, Tyrkland, Ungverjand, Úganda, Úsbekistan - Þetta er listinn.

Þetta eru þær þjóðir sem standa með Bandaríkjunum. Þarna eru þjóðir sem byggja efnahag sinn alfarið á efnahagsaðstoð Bandaríkjamanna eða hafa byggt upp efnahag sinn með fjárframlögum Bandaríkjamanna. Flest eru, sum voru og mörg munu verða þriðjaheimsríki nema til komi peningar frá stórabróa. Hver er að blekkja hvern. Þjóðverjar gátu talið upp fjöldan allan af þjóðum sem studdu innrás þeirra inn í Pólland þýðir það þá að þeir hafi haft fullan rétt til þess. Getum við þá sagt sem svo að þau fjöldamorð sem áttu sér stað í seinni heimstyrjöldinni hafi verið réttlætanleg sem fórnarlömb stríðsátaka. Ég bara sé ekki mun á Þjóðverjum 1930 til 1945 og bandaríkjunum í dag. Mannréttindi eru fótum troðin á Kúbu af Bandaríkjamönnum, fangar dreppnir og svo framvegis. Jú það eru ekki 6 milljónir en ef þessir háu herrar (bandaríkjamenn) hefðu nú hugsa eins um önnur átök í heiminum og þeir hugsa um stöðuna í Írak þá hefði verið hægt að koma í veg fyrir fjöldamorð í kambódíu, rúanda, júgoslavíu og listinn er langur en nei bíðum í smá tíma sjáum hvort þetta lagast ekki. Það er hvor eð er ekkert á þessum löndum að græða og þeir eru að drepa sína eigin borgara og það er í lagi.

WAR
Jæja þá er komið að því. Kaupið ykkur popp. Hellið kók í glasið og horfum á stríð í beinni. Sjáum hvernig þessi stórkostlegu stríðstól draga úr manndrápi og óþarfa dauða hermanna. Í raun og veru ætti þetta stríð að vera löngu búið samkvæmt áróðursdeild Bushlers en menn taka áhættu og reyna að safna aðeins vinsældarstigum. Ég verð að varpa fram þeirri spurningu sem hefur en og aftur horfið úr vörum okkar stórsniðugu fréttamanna víðsvegar um heiminn. Ef Sadam á gereyðingarvopn hvers vegna erum við að fara í stríð við hann. Ef Sadam á 8500 lítra af antrax því í ósköpunum eru Bandaríkjamenn að senda 250.000 mans í innan við 500 km fjarlægð frá þessari hættu. Er það fórnfýsi Bandaríkjamanna í að vernda heiminn fyrir hinu illa. Eru menn virkilega tilbúnir að senda sína eigin menn út í dauðann til að vernda lönd eins og Chad, Usbekistand og Ísland fyrir þeirri hættu sem er Írak.

Gæti það hugsast að, bara svona getgáta af minni hálfu, bandaríkjamenn vita fyrir víst hvað er til í Írak og hafa þar með fulla vitneskju um það í hversu mikilli hættu hermenn sínir eru. Það er að segja að það sé aðeins til venjubundin drápstæki í Írak en ekki gereyðingarvopn og málið snúist einfaldlega um að litli Bushler er að ljúka því sem pabbi kláraði ekki og um leið ná til sín nokkrum tunnum af olíu á hefðbundinn nýlenduherra hátt. Það eru mestu olíubirgðir í heimi undir Írak, það er að segja sem vitað er um. Æi ég veit ekki kanski snýst þetta bara um að vernda heiminn fyrir sjálfum sér. Fyrir mitt leit mætti þá alveg steypa Bushler af stóli um leið og menn taka Sadam.

Ég horfði á Jay hérna um kvöldið og sá þá einhvern stjórnmálamann sem ég kann ekki frekari skil á tala um að sniðganga franskar vörur vegna þessa að frakkar væru á móti stríðsrekstri bandaríkjamanna. Sem jú er flott og fínt en hann var að argnúast út í frakka fyrir að vera með mútur, helvít hörð átt að mínu mati þar sem bandaríkjamenn í fyrsta lagi tóku til baka lánsloforð til Tyrkja eftir að þeir hættu við að lána flugvelli sína ekki nóg með það heldur hafa þeir reynt að safna til sín hverju smáríkinu á fætur öðru og nú síðast nefna þeir Ísland á nafn sem stuðningsaðila sína 60 þjóðir nefndu þeir sem sína stuðningsaðila. Ríki eins og Ísland sem aldrei hafa gefið það út, mér vitandi, að þeir styðja þessar aðgerðir, undarlegur málatilbúningur hjá stórþjóð eins og bandaríkjunum. Hversu lágt eru menn tilbúnir að leggjast fyrir því að hefja stríðsrekstur, svona lágt.