VR

En hvað það er gaman að stjórn VR skuli vera orðin langþreytt. Það vildi ég óska að hún hætti þá og leyfði öðrum að stýra málum innan VR.

Núna fela menn sig á bak við að félagmenn VR verði að ráða sér lögfræðinga vilji þeir á annað borð fá úr því skorið hvernig túlka eigi lög VR. Þeir sem sagt ætla ekki að hjálpa félagsmönnum sínum að túlka eigin lög.

Er ég einn um að finnast þetta furðulega vinnubrögð hjá félagi sem kennir sig við virðingu og réttlæti.

En menn eru auðvitað í þessu til að ráða, drottna og útdeila en ekki að þjóna félagsmönnum sínum. Ekkert að því ef enginn nennir að taka á því.

6 k, eins og örverpin segja

Búinn með 6 km, 5% halli og 500 kaloríur. Ég lít út eins og rostungur á sterum.

Aðrir 6 k á morgun.

kv úr stigvélatjaldstæðinu.

Þetta verður klas...bíddu...sík

Næstu 9 mánuði munu þessi síða fara úr ofurheimskulegu nöldri um allt og ekkert í súperhappíégersvoduglegur maraþonblogg.

Ummálsmælingar, þyngdarmælingar, geðraskanir sökum sykurleysis og vonleysi sökum árangursleysis munu einkenna bullið ásamt nokkrum vel völdum nöldrum um allt og ekkert.

En fyrst og fremst um hvað ég er æðislegur....þetta verður legen.... Wait for it.....dary.

Þeir sem hafa tekið áskorun eru Páll Bóndi, Kristján Skáld, Þorgrímur Hnakkamella og Vladimír "er alltaf í megrun" Welles.

Þeir eru hér með farnir af stað.
Æfing á morgun(í dag). 6 km hlaup.

Næstu 3 mánuðir munu fara í að taka 10 kg af björgunarvestinu sem umliggur líkama okkar. Síðan munu allir hefja þung prógröm ala stórmyndin "run fatboy run".

Fyrirgefðu okkur kæri íþróttaálfur því við vitum ekki hvað við höfum komið okkur í.