Tóti

Myndin hér að ofan er af Tóta. Eins og sést þá er hún ekki tekin á þessari öld.  En mikið skelfilega finnst mér hún eiga við í dag.  Hún minnir okkur á hvaðan við komum.  Hver við erum.  Við erum sjómenn og bændur, við erum ekki fjármálaspekingar eða lögfræðiséní.  Okkar kjarna starfsemi er framleiðsla.   Hvort sem það eru, bændur, sjómenn, álið, háttækni, læknisfræði eða eðlisfræði.   

Þarna sjáum við ungan mann sem átti eftir að vinna, baki brotnu ansi lengi.  En hann vann við að framleiða, búa til og laga.  Ævisparnaðurinn hans hvarf vegna þess að nokkrir jakkafataklæddir einstaklingar vildu verða stórir jakkafataklæddir einstaklingar, hvort sem það voru hálfvitar hjá lífeyrissjóðunum sem kunna ekki að reikna(vita ekki hvað örugg ávöxtun er) eða forstjórar Eimskips sem ekki kunna að reka fyrirtæki (vita ekki hvað kjarnastarfsemi er).  Sem betur fer þá lifði hann ekki til að sjá það gerast.  Hann Tóti er holdgerfingur þeirra sem fengu/fá nánast ekkert frá því ríki sem þeir hafa byggt upp og nú er búið að rífa niður og færa 20 ár aftur í tíman.  

Það er svo sem ekkert að því, forgangsröðunin hlýtur um leið að breytast hjá okkur. Í það minnsta þá fæ ég alveg svakalega nostalgíu þegar ég horfi á þessa mynd.  Hugsa með söknuði til baka þegar ég var í sveit.  Hvað allt hefur breyst á 20 árum. Ekki endilega til góðs, en maður á þó í sig og á í dag.  Það var ekki sjálfsagt þegar ég var yngri, hvað þá þegar Tóti var að alast upp.  Nostalgían hjá manni nær frekar til hugarástandsins sem var, tíðarandans. Ég væri ekki til í að þræla mér út fyrir smáaura árið 1950 en lögin, sveitin og sakleysið er eitthvað sem ég sakna og langar helst að hoppa 20-58 ár aftur í tímann og njóta í smá stund í stað þess að flýta mér að verða stór, njóta fólksins og dýranna í kringum mig, í stað þess að drífa sig heim til að lesa Lukku Láka eða Morgan Kane.  

En einhverstaðar verður maður að byrja og einhverntíma, ég ætla til ömmu næstu helgi.  Það má ekki bíða, það gæti orðið einn af þessum hlutum sem maður saknar innan örfárra ára.

vertu sæll Tóti, ég sakna þín

Af hverju stofnum við ekki bara banka?

Banka, Engum banka er treystandi, stækka starfsemi sparisjóðs strandamanna (hann tók ekki þátt í neinni vitleysu, var of lítill)

flugfélag, Það hljóta allir að vilja losna við FL og IE sérstaklega þegar menn eru farnir að rukka fyrir matinn. fljúgum frá Reyjavík og ekkert rugl það eru allir orðnir leiðir á að keyra alla leið upp á keflavíkurflugvöll til að láta þukla á sér og borga 350 kall fyrir litla kókflösku (í frýhöfn)

Stöðina, Eins og sést best á Skjá einum þá er mjög einfalt að starfrækja sjónvarpsstöð

Útvarp , lítið mál að keppa við þessa ömurlegu síbylgju hallærispakksins á bylgjunni, fm ofl.

Lágvöruverslunina Hannyrði (bara íslenskur matur og framleiðsla)

Mjólkurframleiðslufyrirtækið Kálfinn (engann 100 kall fyrir líter af mjólk)

Tækniskólann Hannyrði (kennum fólki að lifa með búfénað heima hjá sér)

Nei annars nú er þetta orðið kjánalegt.  Stofnum allavega banka....já og sameinum öll fótboltaliðin í Reykjavík undir eitt lið rústum íslandsmótinu og förum í meistaradeildina.  Sé það fyrir mér Knattspyrnuliðið Falur Best í Heimi.

Ísland fyrir Íslendinga.....og alla þá sem virkilega langar að búa hér... En þeir verða að virkilega langa að búa hér. Ekkert hálfkák...ekkert bull um að það sé kalt eða hér sé verðbólga...bara ísland Best í Heimi.  Allt annað er landráð.   

Étann sjálfur

Nýjasti gamli frasinn sem fer nú á boli um allt Ísland. Hver annar en Steini hefði getað sagt þetta. Spurning að maður fari að skrá sig hjá VG innan tíðar. Maður sem bara segir svona minnir mann á atriði úr True Romance þegar faðir aðalpersónunar fer að tala um að allir Ítalir, sérstaklega suður Ítalir séu komnir af svertingjum. Þetta segir hann þegar mafíósarnir eru að yfirheyra hann, "So youre great- great- grandmother fucked a nigger". Þetta er svipað viðhorf hjá Steina. Farðu í rassgat herr dómsmálaráðherra ég læt ekki auma eftirlíkingu af mikilmenni bulla út í hið óendanlega. Að sama skapi eru viðbrögðin við þessum orðum alveg mögnuð. Eins og það eina sem skipti í þessu lífi sé að vera kurteis. Samfélagið farið á hausinn, en við megum samt ekki vera dónaleg. 20-30% af heimilum landsins að missa húsnæði sitt á næstu mánuðum, en umfram allt ekki vera með læti. Yfir 50% af vinnandi fólki tekur á sig kjaraskerðingu upp á 18% til 50%, en við verðum að passa að vera ekki einhver skríll. Kom on étann sjálfur